Ենթադրենք, թե ասֆալտապատման աշխատանքների կատարման համար չափել են փողոցի երկարությունը և ստացել 538,816 մ: Իհարկե, անհրաժեշտ ասֆալտի քանակությունը հաշվարկելիս սանտիմետրերն ու միլիմետրերը դեր չեն խաղում:
Այդ պատճառով ստացված թիվը կլորացնում են՝ նրա վերջին երկու կարգերում գրված թվերը փոխարինելով զրոներով և ապա ազատվելով այդ զրոներից՝ 538,800=538,8
Ստացված թիվը մոտավորապես է հավասար ճշգրիտ թվին՝ 538,816-ին:
Դա գրում են այսպես՝ 538,816≈538,8
Այս դեպքում տրված թիվը փոխարինվեց ավելի փոքր թվով: Այդ պատճառով ասում են, որ կլորացումը կատարվեց պակասորդով մինչև տասնորդականների կարգը:
Մինչև տվյալ կարգը պակասորդով կլորացման ժամանակ բոլոր թվանշանները, որոնք թվի գրառման մեջ գրված են տվյալ կարգից աջ, փոխարինվում են զրոներով:
Նույն 538,816 թիվը կարելի է կլորացնել նաև հավելուրդով՝ համարելով, որ
538,816≈538,9: Այս դեպքում մոտավոր թիվը կստացվի տրվածից մեծ:
Մինչև տվյալ կարգը հավելուրդով կլորացման ժամանակ բոլոր թվանշանները, որոնք թվի գրառման մեջ գրված են տվյալ կարգից աջ, փոխարինվում են զրոներով, իսկ տվյալ կարգի թվին գումարվում է մեկ:
Մենք կատարեցինք նույն թվի կլորացում երկու եղանակներով՝ 538,800=538,8, 538,816≈538,9: Նախընտրելի է այն կլորացումը, որի ժամանակ ստացված թիվը տրվածից հնարավորինս քիչ է տարբերվում (դիտարկված օրինակում նախընտրելի է կլորացումը պակասորդով): Դրա համար պետք է վարվել հետևյալ կերպ՝
1) եթե թվի գրառման մեջ տվյալ կարգից աջ գրված են 0,1,2,3,4
թվանշաններից մեկը, ապա պետք է կատարել կլորացում պակասորդով
2) եթե թվի գրառման մեջ տվյալ կարգից աջ գրված են 5,6,7,8,9 թվանշաններից մեկը, ապա պետք է կատարել կլորացում հավելուրդով
Օրինակ
Կլորացնենք 892,7084 թիվը:
Եթե կլորացնենք մինչև հազարերորդականների կարգը, կստանանք 892,708
Եթե կլորացնենք մինչև հարյուրերորդականների կարգը, կստանանք 892,71
Եթե կլորացնենք մինչև տասնորդականների կարգը, կստանանք 892,7
Կլորացումը կարելի է շարունակել՝ ստանալով նաև բնական թվեր:
Օրինակ
Եթե կլորացնենք մինչև տասնավորների կարգը, կստանանք 893
Եթե կլորացնենք մինչև հարյուրավորների կարգը, կստանանք 900
Դասարանական աշխատանք
- Թիվը պակասորդով կլորացրու մինչև տասնորդականները.
ա) 0,9382 ≈ 0,9
բ) 28,2897 ≈ 28,2
գ) 100,5621 ≈ 100,5
դ) 1,0625 ≈ 1
ե) 80,0388 ≈ 80
զ) 6,0999 ≈ 6
- Թիվը հավելուրդով կլորացրու մինչև հարյուրերորդականները.
ա) 7,8932 ≈ 7,9
բ) 85,0639 ≈ 85,07
գ) 0,111 ≈ 0,11
դ) 0,9999 ≈ 1,00
ե) 65,6788 ≈ 65,68
զ) 721,8957 ≈ 721.90
- Ասա, թե մինչև որ կարգն է կլորացված թիվը.
ա) 93,6527 ≈ 93,65
Մինչև հարյուրերորդականների կարգը։
բ) 734,82 ≈ 735
Մինչև տասնավորների կարգը։
գ) 0,563891 ≈ 0,564
Մինչև հազարերորդականների կարգը։
դ) 0,562891 ≈ 0,6
Մինչև տասնորդականների կարգը։
- Հաշվիր և պատասխանը կլորացրու մինչև հարյուրերորդականները.
ա) 0,377 + 3,409 – 2,1006 ≈ 1,69
բ) 12,4589 – 6,27 + 1,395 ≈ 7,59
- Թվերը կլորացրու մինչև հարյուրերորդականները, ապա կատարիր հաշվումները.
ա) 11,4444 : 3,52222 ≈ 3,025
բ) 3,509 (0,7654 – 0,333) ≈ 15,444
- Կատարիր հաշվումները՝ թվերը նախապես կլորացնելով մինչև տասնորդականները.
ա) (3,26 + 2,045) * (0,376 – 0,18) ≈ 1,08
բ) 4,026 * 3,828 + 2,106 * 0,99 ≈ 1236666
7. Կլորացրու մինչև հարյուրերորդականները և համեմաատիր թվերը.
ա) 0,136 և 0,144
բ) 2,254 և 2,256
գ) 3,769154 և 3,767002
- Ուղղանկյունանիստի երկարությունը, լայնությունը և բարձրությունը համապատասխանաբար 12,4 դմ; 5,08 դմ և 3,6 դմ են։ Գտիր ուղղանկյունանիստի ծավալը և կլորացրու մինչև հարյուրերորդականները։
Լրացուցիչ առաջադրանք
- Թիվը պակասորդով կլորացրու մինչև տասնորդականները.
ա) 200,18 ≈
բ) 567,9111 ≈
գ) 0,0008 ≈
- Թիվը հավելուրդով կլորացրու մինչև հարյուրերորդականները.
ա) 2,3845 ≈
բ) 18,0936 ≈
գ) 55,6009 ≈
- Հաշվիր և պատասխանը կլորացրու մինչև հարյուրերորդականները.
ա) 4,5 + 0,3796 + 1,225 ≈
բ) 0,1 – 0,01 – 0,001 ≈
- Կլորացրու մինչև տասնորդականները և համեմատիր թվերը.
ա) 12,129 և 12,131
բ) 7,9951 և 8,0049
գ) 0,009 և 0,001
- Հաշվիր և պատասխանը կլորացրու մինչև տասնորդականները.
ա) (9,4 – 8,7) • 1,4 ≈
բ) (8,5 + 6,12) • 2,3 ≈
գ) (12,1 – 5,73) • 0,1 ≈
Leave a Reply